Gazetari Adriatik Kelmendi ka reaguar pas sulmeve të kryeministrit të Shqipërisë, Edi Rama ndaj Kosovës, në takimin me kancelaren gjermane, Anglea Merkel.
Kelmendi u shpreh se Rama e ka gabuar adresën e kritikave, pasi në vend se ta kritikojë Kosovën në sy të kancelares Merkel, është dashur ta kritikojë Serbinë.
“Çka ka nevojë kryeministri i Shqipërisë ta kritikojë Kosovën për një iniciativë për të cilën ka rezerva edhe Gjermania, në prani të kancelares Merkel, kur mund ta kritikojë Serbinë për mosnjohjen e Kosovës, të cilën e njeh edhe Shqipëria edhe Gjermania?!”, shkroi në Facebook Kelmendi, përcjell “Bota sot”.
Postimi i plotë
Edi Rama e huqë adresën!
Çka ka nevojë kryeministri i Shqipërisë ta kritikojë Kosovën për një iniciativë për të cilën ka rezerva edhe Gjermania, në prani të kancelares Merkel, kur mund ta kritikojë Serbinë për mosnjohjen e Kosovës, të cilën e njeh edhe Shqipëria edhe Gjermania?!
Adresa e kritikës duhet të jetë Serbia.
Sikur Serbia ta njihte Kosovën, Kosova nuk do ta kishte aq problem t’i bashkohej iniciativave rajonale ku bën pjesë edhe Serbia.