Goran Rakiq sërish thyen heshtjen zgjedhore

Aktuale

Goran Rakiq sërish thyen heshtjen zgjedhore

Më: 17 tetor 2021 Në ora: 09:17
Goran Rakiq

​Kryetari i Listës Serbe, Goran Rakiq, pasi ka votuar ka ftuar të gjithë qytetarët e veriut të Mitrovicës ta realizojnë të drejtën e tyre për të votuar dhe të përkrahin kandidatët e tyre.

Rakiq tha se sipas informatave që ka të gjitha vendvotimet janë hapur me kohë dhe votimi po zhvillohet pa probleme.

Rakiq: Qytetarët ta shfrytëzojnë të drejtën e tyre për të votuar

“Siç mund të shihni edhe ju qytetarët e Mitrovicës së Veriut nga orët e hershme të mëngjesit në masë të madhe, në numër të madh janë nisur drejt vendvotimeve të japin votën e tyre, të shfrytëzojnë të drejtën e tyre për të votuar, dhe përkrahin kandidatët e tyre për kryetar dhe kandidatët për asamble komunale, natyrisht ftoj të gjithë qytetarët që nuk e kanë realizuar këtë të drejt deri më tani t’i vizitojnë vende votimet dhe gjatë ditës ta realizojnë të drejtën e tyre për të votuar dhe të përkrahin kandidatët e tyre, natyrisht duke respektuar të gjitha rekomandimet e institucioneve shëndetësore, apo të gjitha masave kundër pandemisë”, ka thënë ai.

Rakiq edhe në këtë zgjedhje lokale ka thyer heshtjen zgjedhore, duke thënë se pret fitore.

Rakiq: Pres fitore bindëse

“Nuk e di konkretisht në çka po mendoni, pasi që është heshtje zgjedhore, por nëse më pyesni pres fitore bindëse”, ka thënë ai.

Në veri të Mitrovicës janë hapur 7 qendra të votimit dhe janë 17.721 qytetarë me të drejt vote

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat