Escobar viziton Ambasadën e Kosovës në Washington

Aktuale

Escobar viziton Ambasadën e Kosovës në Washington

Më: 21 tetor 2021 Në ora: 23:28
Valdet Sadiku dhe Gabriel Escobar

Zëvendësndihmës sekretari amerikan i Shtetit për Evropën dhe Euroazinë, Gabriel Escobar, ka vizituar sot ambasadën e Kosovës në SHBA.

Escobarin, në takim e ka pritur ushtruesi i detyrës së ambasadorit të Kosovës në SHBA, Valdet Sadiku.

Për takimin ka shkruar llogaria zyrtare e Ambasadës së Kosovës në SHBA në Twitter.

“Ushtruesi i detyrës së ambasadorit, Valdet Sadiku, priti sot Zëvendësndihmësin e Sekretarit të Shtetit, Escobar, në Ambasadën tonë. Faleminderit Escobar për vizitën dhe presim me padurim punën dhe miqësinë tonë të vazhdueshme!”, thuhet në postimin zyrtar të ambasadës.

Escobar ka zëvendësuar Matthew Palmerin në këtë pozitë. Ndryshimi erdhi së bashku me disa zëvendësime tjera në pozitat diplomatike të SHBA-së në rajonin e Ballkanit Perëndimor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat