Ambasada gjermane jep një lajm të rëndësishëm për viza

Aktuale

Ambasada gjermane jep një lajm të rëndësishëm për viza

Më: 25 tetor 2021 Në ora: 19:57
Foto ilustrim

Ambasada Gjermane në Prishtinë ka njoftuar për një ndryshim në procedurën e aplikimeve sipas rregullores së Ballkanit Perëndimor nga Ministria e Jashtme Federale.

Ambasada njofton se lista e pritjes do të hapet sërish gjatë muajit dhjetor për datat e aplikimit nga janari 2022.

Më tutje, kjo ambasade bën me dije se informacionet më të detajuara do të publikohen në faqen zyrtare në kohën e duhur.

“Për shkak të një ndryshimi në procedurën e aplikimeve sipas rregullores së Ballkanit Perëndimor nga Ministria e Jashtme Federale, lista e pritjes do të hapet sërish gjatë muajit dhjetor për datat e aplikimit nga janari 2022. Informacionet më të detajuara do të publikohen këtu në kohën e duhur”, thuhet në njoftimin e ambasadës gjermane.

Kujtojmë se deri tash lista e pritjes për termine hapej në fillim të çdo muaji për muajin vijues.

Kjo forme pati nxitur pakënaqësi të madhe të ata që duan të caktojnë një termin për viza pune.

Kjo për shkak të kërkesave të mëdha të shqiptarëve të Kosovës për të zënë një termin.

Madje, disa qytetarë patën thirre edhe protesta për të shprehur pakënaqësitë e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat