​Fushë Kosova përfundimisht në balotazh

Aktuale

​Fushë Kosova përfundimisht në balotazh

Më: 28 tetor 2021 Në ora: 11:41
Foto ilustrim

Komisioni Qendror i Zgjedhjeve shpalli rezultatet përfundimtare të raundit të parë të Zgjedhjeve Lokale për Kryetarë të 37 Komunave, të cilat u mbajtën më 17 tetor 2021.

Në Fushë Kosovë, kryetari aktual dhe kandidati i Lidhjes Demokratike të Kosovës, Burim Berisha do të jetë në balotazh me kandidatin e Lëvizjes Vetëvendosje, Enver Bajçinca.

Berisha ka dal i pari me 7 966 vota ose 49,72%, ndërsa Bajçinca është i dyti me 4 098 vota ose 25,58%. Diferenca mes kandidatëve është 3 868 vota.

Rrahim Tërnava i Partisë Demokratike të Kosovës është i treti ndërsa Hasan Ismajli i AAK-së është i katërti.

Në Komunën e Fushë Kosovës numri i votuesve të regjistruar ishte 40 289 qytetarë, këtë të drejtë e kanë shfrytëzuar 16 147 qytetarë. Numri i votuesve të cilët kanë votuar jashtë vendvotimit, si me kusht, VPNV dhe me postë është 346.

Pjesëmarrja në votime në Fushë Kosovë është 40,94%.

Pas shpalljes së rezultateve përfundimtare, në afat brenda 24 orësh, subjektet politike dhe kandidatët mund të paraqesin ankesat e tyre në Panelin Zgjedhor për Ankesa dhe Parashtresa.

Image

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat