​Kamenica, 252 vota e ndajnë PSD-në dhe LVV-në

Aktuale

​Kamenica, 252 vota e ndajnë PSD-në dhe LVV-në

Më: 28 tetor 2021 Në ora: 11:56
Foto ilustrim

Komisioni Qendror i Zgjedhjeve shpalli rezultatet përfundimtare të raundit të parë të Zgjedhjeve Lokale për Kryetarë të 37 Komunave, të cilat u mbajtën më 17 tetor 2021.

Në Kamenicë, kryetari aktual dhe kandidati i Partisë Socialdemokrate, Qëndron Kastrari do të jetë në balotazh me kandidatin e Lëvizjes Vetëvendosje, Kadri Rahimaj.

Kjo komunë do të jetë edhe përballje mes Lëvizjes Vetëvendosje dhe partisë që u ringrit nga të pakënaqurit e partisë së Kurtit të ciëlt u mblodhën pikërisht nën siglën e PSD-së.

Kastrati ka dal i pari me 5 408 vota ose 32,52%, ndërsa Rahimaj është i dyti me 5 156 vota ose 31,01%. Diferenca mes kandidatëve është 252 vota.

Muhamed Kallabai i Partisë Demokratike të Kosovës është i treti ndërsa Faton Jakupi i AAK-së është i katërti. I pesti është Jeton Biqikaj i LDK-së ndërsa i fundit Arben Sermaxhaj i Nismës

Në Komunën e Kamenicës, numri i votuesve të regjistruar ishte 35 161 qytetarë, këtë të drejtë e kanë shfrytëzuar 16 588 qytetarë. Numri i votuesve të cilët kanë votuar jashtë vendvotimit, si me kusht, VPNV dhe me postë është 534.

Pjesëmarrja në votime në Kamenicë është 48,70%.

Pas shpalljes së rezultateve përfundimtare, në afat brenda 24 orësh, subjektet politike dhe kandidatët mund të paraqesin ankesat e tyre në Panelin Zgjedhor për Ankesa dhe Parashtresa.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat