Osmani javën e ardhshme udhëton sërish për në SHBA

Aktuale

Osmani javën e ardhshme udhëton sërish për në SHBA

Më: 5 nëntor 2021 Në ora: 14:36
Vjosa Osmani

Presidentja e Kosovës, Vjosa Osmani gjatë javës së ardhshme do të zhvillojë një vizitë në Shtetet e Bashkuara të Amerikës.

Osmani do të marrë pjesë në një diskutim të organizuar nga Instituti për Politikë të Jashtme SAIS, të cilët edhe kanë lëshuar njoftimin në lidhje me këtë ngjarje.

Fokusi i diskutimit do të jetë lidhur me të ardhmen e Kosovës në një rajon sfidues, përpjekjet e BE-së dhe SHBA-së për të nxitur një zgjidhje gjithëpërfshirëse ndërmjet Kosovës dhe Serbisë, si dhe prioritetet e brendshme si lufta kundër korrupsionit dhe krimi i organizuar.

Njoftim për vizitën e Presidentes Osmani në Institutin për Politikë të Jashtme SAIS e ka dhënë edhe ligjëruesi dhe moderatori i diskutimit, ish-diplomati amerikan Edward Joseph.

“I nderuar ta mirëpres Presidenten Vjosa Osmani derisa ajo viziton Institutin SAIS këtë të hënë”, ka njoftuar ai në Twitter

Kujtojmë se presidentja Osmani, ishte për vizitë zyrtare në SHBA edhe gjatë muajit shtator, ku zhvilloi një varg takimesh.

Në këtë vizitë, Osmani u shoqërua edhe nga kryedipomatja Donika Gërvalla-Shwatz.

comment Për komente lëvizni më poshtë
Sot mund të lexoni Shfletoni kopertinat