Lutfi Haziri, ka thënë se “Alban Hyseni është edhe kryetari i tij”.
Këtë e ka thënë përmes një postimi në Facebook, të enjten – pasi e dorëzoi detyrën te Alban Hyseni, fitues i zgjedhjeve lokale në Gjilan.
“I uroj shëndet dhe, mbi të gjitha, lutem që ta përcjell suksesi. Një angazhim i tij në lidership në Gjilan nënkupton ecje përpara në zhvillim e prosperim, jo stagnim”, ka thënë Haziri.
Haziri i ofroi mbështetje Hysenit i cili vjen nga radhët e Lëvizjes Vetëvendosje.
Postimi i plotë:
Jam i lumtur që pas një shërbimi për më shumë se 13 vite si kryetar i Gjilanit në kohë të ndryshme, sot po e përfundoj mandatin e katërt të rregullt dhe po e dorëzoj tek kryetari i zgjedhur, z. Alban Hyseni, i cili do të jetë kryetar i të gjithëve, duke përfshirë edhe kryetar i imi.
I uroj shëndet dhe, mbi të gjitha, lutem që ta përcjell suksesi. Një angazhim i tij në lidership në Gjilan nënkupton ecje përpara në zhvillim e prosperim, jo stagnim.
Unë edhe ashtu kam marrë rrugë tjetër politike që do të jem në funksion sërish të angazhimit tim, por i sigurova që roli ynë ka me qenë kontruktiv, mbështetja ka me qenë e sinqertë dhe angazhimi ynë ka me qenë mbi bazë të interesit të qytetit, komunës e të nahisë sonë!
