Sektori publik edhe sot në pushim

Aktuale

Sektori publik edhe sot në pushim

Më: 4 janar 2022 Në ora: 08:23
Foto ilustrim

Sektori publik në Kosovë do të punojë vetëm në dy nga 10 ditët e para të këtij muaji.

Ditë pushimi do të jetë edhe dita e sotme për shkak të festës së Vitit të Ri. Ditë pushimi për sektorin publik ishte edhe dje, e do të jetë edhe të premten, më 7 janar për shkak të Krishtlindjeve Ortodokse.

Sipas Ligjit për festat zyrtare për çdo festë zyrtare që bie në ditë vikendi, llogaritet ditë pushimi edhe dita pasuese e javës, ose dita e punës.

Ditë më parë Qeveria ka dalë në mbështetje për ndryshimin që të mos pushohet në ditë pune kur festat bien në fundjavë.

Derisa ndryshimi i ligjit të festave zyrtare të ndodhë, punëtorët e sektorit publik vazhdojnë të shfrytëzojnë këtë drejt, ku ditët e pushimit gjatë një viti për shkak të festave janë të shumta.

Sipas kalendarit zyrtar, në Kosovë gjatë vitit 2022 janë 11 festa zyrtare. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat