Alarmi i Shaip Kamberit, ja pse Vuçiqi po e ndez Bosnjën...

Aktuale

Alarmi i Shaip Kamberit, ja pse Vuçiqi po e ndez Bosnjën...

Më: 10 janar 2022 Në ora: 11:52
Millorad Dodik dhe Vuçiq

Deputeti i vetëm shqiptar në Kuvendin e Serbisë, Shaip Kamberi ka alarmuar për rrezikun që po i kanoset rajonit nga politika e Serbisë.

Sipas Kamberit, presidenti Vuçiq vazhdon politikën e tij të piromanit dhe zjarrfikësit.

Në njërën anë frymëzon ngjarjet ose delegon njerëzit e tij në Banja Llukë, Novi Pazar, Priboj, Prijedor etj, ndërsa në anën tjetër paraqitet si paqeruajtës.

“Krejt këto që po i shohim këtyre ditëve në Bosnje dhe Herzegovinë e Sanxhak kanë një qendër inspiruese: Beogradin dhe kanë një emër politik përbashkues: Aleksandër Vuçiqin.”, ka thënë në një status, Kamberi.

“Presidenti Vuçiq po instrumentalizon ultranacionalizmin serb dhe grupet e së djathtës ekstreme për të frikësuar me destabilitet dhe për t’u pozicionuar pastaj si faktor i pashmangshëm stabiliteti, në dobi të ruajtjes dhe zhvillimit të pushtetit të tij autokrat.”, vijon më tej postimi i deputetit të Luginës së Preshevës.

“Bashkimi Evropian dhe Shtetet e Bashkuara të Amerikës nuk duhet t’ia tolerojnë tutje këtë politikë. Presidenti Vuçiq po vërteton çdo ditë e më shumë se nuk është as faktor stabiliteti, as pro-evropian dhe as i djathtë liberal-konservator.”, ka potencuar Kamberi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat