​Mbi 7 mijë raste aktive me COVID-19

Aktuale

​Mbi 7 mijë raste aktive me COVID-19

Më: 20 janar 2022 Në ora: 07:41
Foto ilustrim

Krahas rritjes së numrit të rasteve pozitive me COVID-19 është rritur edhe numri i rasteve aktive me këtë virus.

Aktualisht në Kosovë janë 7 mijë e 266 raste aktive me COVID-19, nga 5.678 sa ishin një ditë më parë. 

Sipas të dhënave të fundit të Institutit Kombëtar të Shëndetësisë Publike të Kosovës (IKShPK), vetëm në Prishtinë janë 3 mijë e214 raste aktive me COVID-19, duke qenë kështu komuna me më së shumti raste aktive. Ndërsa Mitrovica ka 611 raste aktive me COVID-19, kurse Peja aktualisht ka 372 raste aktive me këtë virus. 

IKShPK në mërkurën njoftoi për 2 mijë e 50 raste të reja. Raste këto që do të mbledhin sot edhe komitetit ndërministror për t’i shqyrtuar masat e reja antiCOVID-19. Ndërsa masat që pritet të merren mësohet të jenë që gastronomia të lejohet të punojë deri në orën 21:00, ndërsa ora policore të vendoset prej 22:00. 

Po ashtu masë tjetër që do të propozohet është edhe që në Kosovë të lejohen të hyjnë vetëm personat që janë të vaksinuar me tri doza të vaksinës antiCOVID-19. 

Ndërkohë që Ministria e Shëndetësisë u bëri thirrje qytetarëve që të vaksinohen dhe të marrin edhe dozën e tretë të vaksinës në mënyrë që të mbrohen nga virusi. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat