Vrasja e 26-vjeçarit në Pejë, dalin detaje të reja, dy të arrestuar

Aktuale

Vrasja e 26-vjeçarit në Pejë, dalin detaje të reja, dy të arrestuar

Më: 20 janar 2022 Në ora: 17:03
Pamje nga vendi i ngjarjes

E.M., rreth moshës 26-vjeçare, ka vdekur si pasojë e plagëve të marra nga mjeti mprehtë-thika. Sulmi me thikë ka ardhë pas një përleshjeje, ku të përfshirë ishin edhe dy persona.

Ngjarja ndodhi sot para orës 15:00 në lagjen “Fidanishte” në Pejë, ndërsa për vrasjen e të riut janë prangosur dy persona.

Lajmin për arrestimin e dy të dyshuarve e ka konfirmuar zëdhënësi i Prokurorisë Themelore të Pejës, Shkodran Nikçi.

“Si pasojë e një përleshje në Pejë, një person ka humbur jetën nga lëndimet e marra, dy persona janë arrestuar, njëri i dyshuar për veprën pënale vrasja: e tjetri për veprën penale “lëndim trupor”. Në këtë rast ka pësuar lëndime trupore edhe i dyshuari për veprën penale “vrasja””, tha Nikçi.

Ai tha se pas intervistimit, të dyshuarit do të ndalohen për 48-orë, me urdhër të prokurorit të shtetit.

Nuk dihen motivet që çuan deri te vrasja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat