Deputetja e LDK-së: Ligjëratat e Kurtit janë gjithmonë irrituese

Aktuale

Deputetja e LDK-së: Ligjëratat e Kurtit janë gjithmonë irrituese

Më: 20 janar 2022 Në ora: 17:51
Valentina Bunjaku

Deputetja e Lidhjes Demokratike të Kosovës, Valentina Bunjaku ka komentuar fjalimin e kryeministrit Albin Kurti lidhur me çështjen e shtrenjtimit të rrymës në Kuvendin e Kosovës.

Ajo ka thënë se fjalimet e Kurtit janë gjithmonë irrituese.

“Pak irrituese janë ligjëratat e Albin Kurtit, se ka qenë në opozitë për 15 vite qytetarët kanë besuar në ligjëratat e tij, sepse ka folur aq bindshëm edhe aq i ka bindur qytetarët sa e kanë votuar mbi 50% e më shumë”, ka thënë ajo.

Bunjaku tha se tani ka mbaruar koha e ligjëratave.

“Realisht tani ka përfunduar koha e ligjëratave, ka mbaruar koha e populizmit të tij, ka mbaruar koha e rimeve të tij që realisht tu i përshtat fjalitë dhe t’u bë më interesant me votu njerëzit tash në pushtet po bëhen 10 muaj që është duke qeverisur dhe kjo është e papranueshme që me e duru qytetarët e Kosovës siç është duke vazhduar”, tha ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat