​Kurti dhe shefi i OSBE-së diskutojnë për të drejtat e pakicave

Aktuale

​Kurti dhe shefi i OSBE-së diskutojnë për të drejtat e pakicave

Më: 21 janar 2022 Në ora: 17:57
Foto nga takimi

Kryeministri i Republikës së Kosovës, Albin Kurti priti në takim shefin e misionit të OSBE-së në Kosovë, ambasadorin Michael Davenport, së bashku me Therese Abrahamsen, zëvendës shefe, Zyra për Çështje Politike dhe Komunikim, të cilët i falënderoi për komunikimin e vazhdueshëm, përfshirë këtu edhe situatën me rastin e referendumit kushtetues të Serbisë.

Temë diskutimi e takimit ishin të drejtat e pakicave, sundimi i ligjit, e çështjet e sigurisë dhe qeverisja e mirë.

Sipas njoftimit të Qeverisë, në takim u adresuan edhe zbatimi i Ligjit për Përdorimin e Gjuhëve Zyrtare.

Dhe mbështetja për Zyrën e Komisionerit për Gjuhët, si dhe gatishmëria e OSBE-së për të ndihmuar Zyrën e Kryeministrit dhe qeverinë në fushat me interes të përbashkët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat