Neglizhoi projektin 800 milionësh, Kurti akuzon Mustafën për krizën energjetike: Me gjermanët nuk ka aksham pazar!

Aktuale

Neglizhoi projektin 800 milionësh, Kurti akuzon Mustafën për krizën energjetike: Me gjermanët nuk ka aksham pazar!

Nga: A.ZH Më: 23 janar 2022 Në ora: 08:09
Isa Mustafa dhe Angela Merkel

Kryetari i Republikanëve të Kosovës Faton Kurti, ka akuzuar ish-qeverinë e Isa Mustafës për krizën energjetike në Kosovë.

Përmes një postimi në Facebook, Kurti ka thënë se Qeveria e Mustafës kishte neglizhuar investimet energjtike të Gjermanisë, përcjell Bota sot.

"Kriza energjitike në Kosovë ka emër! Qeveria Mustafa i neglizhoi investimet energjetike gjermane! Sepse me gjermanët nuk ka "aksham pazar" të ryshfetit", ka shkruar ai.

Ish-kancelarja Angela Merkel, në takimin me Mustafën, sa ishte kryeministër, i kishte thënë atij se Kosova duhej të shqyrtonte më seriozisht ofertat gjermane për investime energjetike në Kosovë.

Ajo ia kishte shprehur pakënaqësinë e saj ish-kryeministrit Mustafa, për neglizhimin që i ishte bërë projektit 800 milionësh Bilfinger, për rindërtimin e termocentralit "Kosova A".

Për krizën energjetike që ka kapluar vendin në dy muajt e fundit, po fajësohet edhe qeveria e Albin Kurtit, ndaj të cilës janë paralajmëruar edhe protesta nga partitë opozitare./Botasot

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat