Deputeti i LVV-së kërkon një minutë heshtje pas fjalimit të tij, deputetët ngrihen në këmbë

Aktuale

Deputeti i LVV-së kërkon një minutë heshtje pas fjalimit të tij, deputetët ngrihen në këmbë

Më: 24 janar 2022 Në ora: 17:59
Foto ilustrim

Deputeti i Lëvizjes Vetëvendosje, Jahja Kokaj pasi ka folur për krizën energjetike dhe mundësinë e shtrenjtimit të rrymës, në fund të fjalës së tij ka kërkuar të mbahen një minutë heshtje për vdekjen e profesorit Rifat Gjota.

Kokaj tha se dëshiron ta shfrytëzojë në këtë mënyrë një minutë nga koha e tij, ndërsa u kërkoi të ngrihen në këmbë edhe deputetët tjerë.

“Dhe në fund, kërkoj që minutin e fundit, apo një minutë e gjysmë ta shfrytëzoj për diçka që kam dëshirë t’ju lus – kur flasim për efiçencë, energji – këto ditë ka vdekë profesor doktor Rifat Gjota, për të cilin unë kam dëshirë këtu para jush në Parlament ta mbaj një minutë zi dhe ata që dëshirojnë ta bëjnë të njëjtën kam dëshirë që të ngrihen në këmbë”, tha Kokaj.

Me këtë u pajtua kryeparlamentari Glauk Konjufca. Ai tha se kontributi i Rifat Gjotës në shkencë ka qenë i madh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat