Vlora Çitaku ka disa komente për Ballkanin e Hapur

Aktuale

Vlora Çitaku ka disa komente për Ballkanin e Hapur

Më: 25 janar 2022 Në ora: 22:19
Vlora Çitaku

Nënkryetarja e PDK’së, Vlora Çitaku, ka folur për Ballkanin e Hapur. Thotë se thelbi i problemeve në rajon janë marrëdhëniet politike dhe jo ato tregtare.

Komentet Çitaku i bëri në emisionin Pressing në T7.

 “Në parim PDK i mbështet nismat rajonale, mirëpo ne e kemi të qartë se thelbi i problemeve në rajon nuk janë marrëdhëniet tregtare por janë marrëdhëniet politike mes nesh. Ne s’mund të flasim për marrëdhënie ekonomike dhe kulturore duke e injoruar elefantin në mes të dhomës, elefanti i madh në mes të dhomës është problemi politik që ka Kosova me Serbinë”, tha Çitaku.

“Eksponentë shumë të administratës amerikane sot, janë ndër iniciuesit dhe mbështetësit më të mëdhenj të idesë së Ballkanit të Hapur. Mirëpo unë prapë po them se këto idetë e iniciativave rajonale, më shumë i shoh si përpjekje për të blerë kohë në mungesë të një perspektive konkrete të integrimit nga ana e BE’së”, shtoi ajo.

commentFirst article
Sot mund të lexoni Shfletoni kopertinat