Zemaj: 46 mijë të infektuar me Covid-19 veç në janar

Aktuale

Zemaj: 46 mijë të infektuar me Covid-19 veç në janar

Më: 1 shkurt 2022 Në ora: 19:18
Armend Zemaj

Ish-ministri i Shëndetësisë, Armend Zemaj duke llogaritur bilancin e ditëve të fundit ka thënë se vetëm në janar janë infektuar me COVID-19 46 mijë qytetarë të Kosovës.

Ai me anë të një postimi në Facebook ka thënë se krejt kjo sipas tij është pasojë e paaftësisë së Qeverisë.

Sipas Zemajt, paaftësia qeverisëse po dëmton shëndetin, ekonominë, mirëqenien e shtetin.

“Mirënjohje pafund për profesionistët shëndetësor, sepse përkundër trajtimit të keq që po iu bën kjo Qeveri e paaftë, ata po qëndrojnë fuqishëm në ballë të betejës kundër pandemisë”, ka shkruar ai.

Postimi i plotë i Zemajt:

Pasojat e paaftësisë qeverisëse janë të tmerrshme në çdo aspekt. Bilanci i keqmenaxhimit të pandemisë vetëm gjatë muajit janar është si në vijim: 46 mijë të infektuar me Covid-19 dhe 30 jetë të humbura.

Përfundimisht, paaftësia qeverisëse dëmton shëndetin. Dëmton ekonominë. Dëmton mirëqenien. Dëmton shtetin. I dëmton krejt pa përjashtim si dhe është e padrejtë ndaj të gjithëve.

Mirënjohje pafund për profesionistët shëndetësor, sepse përkundër trajtimit të keq që po iu bën kjo Qeveri e paaftë, ata po qëndrojnë fuqishëm në ballë të betejës kundër pandemisë.

Qytetarë të dashur,

Ju lutem që të kujdeseni maksimalisht për vete dhe më të dashurit tuaj!.

comment Për komente lëvizni më poshtë
Sot mund të lexoni Shfletoni kopertinat