Edhe nga Organizata e Veteranëve të Luftës kanë reaguar për arrestimin e Dardan Molliqajt.
Kreu i OVL UÇK-së, Faton Klinaku, me anë të një postimi në Facebook ka thënë se Molliqaj do të mund të ftohej në polici dhe nëse i njëjti nuk do t’i përgjigjej ftesës, do të arrestohej.
Ai ka thënë se Molliqajt do të duhej t’i tregohej fletëarresti para se të arrestohej.
Postimi i plotë:
Dardan Molliqaj, kryetar i PSD-së, do të mund të ftohej në polici, e nëse nuk i përgjigjet ftesës do të arrestohej.
Atij do të duhej edhe që t’i tregohej flet-arresti, para se të arrestohej.
Nuk ka nevojë për këto spektakle të pushtetit
