Nga dita e nesërme deputetët e Partisë Socialiste në Shqipëri do të propozojnë emrat e tyre preferencialë si kandidatë për President të Republikës.
Ndër shumë diskutime që po bëhen ditëve të fundit për zgjedhjen e Presidentit të ri të Republikës së Shqipërisë është përmendur mundësia që ai të jetë nga Kosova.
Por, Ehat Miftaraj nga Instituti i Kosovës për Drejtësisë (IKD) në një postim në Facebook, ka thënë se me Kushtetutën e Shqipërisë, asnjë nga kandidatët që nuk ka lindur në Shqipëri nuk mund të zgjidhet president i vendit.
Miftaraj bëri thirrje që të mos bëhet tallje me figura publike që s`kanë lindur në Shqipëri duke i shpallur si kandidatura serioze.
Postimi i plotë:
Kushtetuta e Shqipërisë përcakton se President i Republikës mund të zgjidhet vetëm shtetasi shqiptar që nga lindja, me qëndrim jo më pak se 10 vitet e fundit në Shqipëri dhe i cili ka mbushur moshën 40 vjeçare!
Me fjalë tjera, asnjë kandidat që nuk ka lindur në Republikën e Shqipërisë nuk mund të zgjidhet President i Shqipërisë.
Suma sumarum mos boni hajgare me figura publike duke i shpall si kandidatura serioze për President të Shqipërisë, ata që kanë lindur jashtë kufijve të Republikës së Shqipërisë.