Fetoshi: Zmbrapsja e mazhorancës lajm i gëzueshëm

Aktuale

Fetoshi: Zmbrapsja e mazhorancës lajm i gëzueshëm

Më: 5 maj 2022 Në ora: 22:53
Arben Fetoshi

Profesori universitar, Arben Fetoshi, tha se mundësia që opozita ta realizojë të drejtën e vet për formimin e një komisioni hetimor parlamentar, është një lajm i gëzueshëm.

Fetoshi tha se krijimi i Komisionit Hetimor për energjinë është instrumenti kryesor i opozitës, pasi që në këtë mënyrë mund ta bëjnë mbikëqyrjen me ata që e kanë pushtetin.

“Sot është lajm i gëzueshëm të konstatojmë zmbrapsje të mazhorancës dhe mundësinë që opozita ta realizojë të drejtën e vet për formimin e një Komisioni Hetimor Parlamentar, i cili në fakt është instrumenti kryesor i opozitës për mbikëqyrjen e qeverisë, pra në raport më ata që e kanë pushtetin”, tha Fetoshi në emisionin “Këndi i Debatit”.

Sipas tij, formimi i komisioneve është një mënyrë më e lehtë për ta zbutur publikun.

“Mua më bëri përshtypje kualifikimi i krejt kësaj sagës disa javore të komisioneve që u formuan sot, është një gjetje kaq e butë t’i thuhet publikut se kanë tentuar t’i fuzionojnë të dyja palët në një komision të përbashkët, mendoj që qytetarët e kanë parë në parlament një përplasje të ashpër dhe një praktike opozitariste e cila po ashpërsohet”, tha tutje Fetoshi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat