Ambasada amerikane e lavdëron Kosovën për...

Aktuale

Ambasada amerikane e lavdëron Kosovën për...

Më: 17 maj 2022 Në ora: 15:01
SHBA

Të hënën qeveria e Kosovës në mbledhjen e mbajtur ka vendosur sanksione ndaj Rusisë dhe Bjellorusisë.

Veprimin e ekzekutivit kosovar e ka lavdëruar Ambasada e Shteteve të Bashkuara.

Përmes një njoftimi kjo ambasadë ka thënë se Kosova është solidarizuar me Ukrainën.

“ShBA e lavdëron Kosovën për solidarizimin e saj ndaj Ukrainës, duke i vendosur sanksionet dhe duke ofruar ndihmë humanitare për refugjatët dhe gazetarët, si edhe për dënimin e veprimeve të pajustifikuara dhe vdekjeprurëse të Rusisë”.

Ndërkaq zëvendëskryeministri i Kosovës Besnik Bislimi, në mbledhjen qeverisë ka thënë se sanksionet kanë të bëjnë me ngrirjen e aseteve në Kosovë të individëve apo entiteteve të sanksionuara, ndalim të qasjes dhe operimit në treg, ndalim të udhëtimit dhe fondeve.

Ai theksoi se me sanksionet e reja, Kosova po ashtu ndalon çdo ndërmarrje të transportit rrugor rus apo bjellorus, me disa përjashtime.

Një nga veprimet e tjera është edhe ndalimi i importimin të qymyrit nga Rusia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat