Lekaj për vendimin e Apelit: Çdo cent i marrë kundërligjshëm, t’u kthehet qytetarëve

Aktuale

Lekaj për vendimin e Apelit: Çdo cent i marrë kundërligjshëm, t’u kthehet qytetarëve

Më: 18 maj 2022 Në ora: 16:42
Pal Lekaj

Deputeti i Aleancës për Ardhmërinë e Kosovës, Pal Lekaj, ka reaguar pasi Gjykata e Apelit vërtetoi vendimin e Themelores për pezullimin e vendimit të ZRrE-së lidhur me shtrenjtimin e energjisë elektrike.

Përmes një postimi në Facebook, ai ka thënë se çdo cent i marrë kundërligjshëm me vendimin e ZRrE-së, duhet t’u kthehet qytetarëve.

Lekaj ka thënë se ky është lajm i mirë për të drejtën e qytetarëve.

Postimi i plotë:

Çdo cent i marrë kundërligjshëm me vendimin e ZRRE-së, t’u kthehet qytetarëve

Të nderuar qytetarë, tani në media po qarkullon lajmi që Gjykata e Apelit ka vërtetuar vendimin e Gjykatës Themelore për bllokimin e tarifave të shtrenjta të energjisë elektrike të vendosura nga Zyra e rregullatorit për energji dhe të miratuar nga Qeveria e Kosovës.

Ky është lajm i mirë për të drejtën e qytetarëve.

Ndihem mirë sepse vazhdimisht e kam kritikuar këtë vendim si të kundërligjshëm dhe që ka dëmtuar qytetarët, prandaj në këtë kohë të rëndë ekonomike, Qeveria dhe ZRRE duhet të kërkojnë falje publike dhe duhet të ju kthejnë çdo cent secilit qytetarë të vendit!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat