Gjukanoviq takon komandantin e KFOR-it

Aktuale

Gjukanoviq takon komandantin e KFOR-it

Më: 19 maj 2022 Në ora: 14:28
Foto nga takimi

Presidenti malazez Milo Gjukanoviq ka thënë thënë se ruajtja e paqes dhe stabilitetit në Ballkanin Perëndimor është vendimtare për stabilitetin e përgjithshëm të Evropës dhe se misioni i KFOR-it ka një vend dhe rol të veçantë në këtë.

Këto komente ai i bëri pas takimit që pati me komandantin e KFOR-it Ferenc Kajari në ditën e dytë të vizitës në Kosovë.

“Një vizitë e rëndësishme në selinë e KFOR-it në Prishtinë dhe një shkëmbim mendimesh me komandantin e misionit Ferenc Kajari. Është kënaqësi e veçantë të takohem me nënkolonelin Emil Halimoviq, një pjesëtar malazez i forcës së KFOR-it,” shkroi Gjukanoviq në Twitter.

Ai thotë se në kohën e sfidave më të mëdha për sigurinë evropiane dhe euroatlantike, Mali i Zi mbetet një aleat dhe kontribuues i besueshëm dhe i përgjegjshëm për sigurinë rajonale./

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat