​Lajçak përfundoi vizitën në SHBA, takoi edhe Escobarin

Aktuale

​Lajçak përfundoi vizitën në SHBA, takoi edhe Escobarin

Më: 19 maj 2022 Në ora: 16:51
Pamje nga takimi

Emisari special i BE-së për dialogun Kosovë-Serbi Miroslav Lajçak ka përfunduar vizitën treditore në Shtetet e Bashkuara të Amerikës.

Ai ka thënë se gjatë qëndrimit në Uashington ka pasur një numër konsultimesh intensive dhe produktive për bashkëpunimin BE-SHBA në Ballkanin Perëndimor dhe rrugën përpara në dialogun për normalizimin e marrëdhënieve ndërmjet Kosovës dhe Serbisë.

Gjatë vizitës në SHBA, emisari evropian ka takuar edhe përfaqësuesi Special i Shteteve në Prishtinë për Ballkanin Perëndimor Gabriel Escobar.

Ndryshe, Escobar dhe Lajçak gjatë një vizite në shkurt të këtij viti në Prishtinë theksuan se integriteti territorial dhe sovraniteti i Kosovës nuk ishin në pikëpyetje dhe se askush nuk ishte i interesuar të krijonte një Republikë Serbe të re në Kosovë.

“Kosova është palë e barabartë në dialogun me Serbinë dhe të dyja palët duhet të vazhdojnë të punojnë për normalizimin e marrëdhënieve”, deklaruan ata. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat