Reagimi i Burim Ramadanit pas ftesës nga Haga

Aktuale

Reagimi i Burim Ramadanit pas ftesës nga Haga

Më: 23 maj 2022 Në ora: 14:28
Burim Ramadani

Gjykata Speciale e ka ftuar për ta marrë në pyetje, në cilësinë e dëshmitarit, Inspektorin e Përgjithshëm të AKI-së, Burim Ramadanin.

Lajmin për ftesën e ka bërë të ditur Agjencia Kosovarë e Inteligjencës (AKI), në njoftimin e publikuar në uebfaqen e saj.

Sipas njoftimit të AKI-së, Ramadani beson se ky është një gabim teknik.

“z. Ramadani është plotësisht i vetëdijshëm për obligimet ligjore në raste të këtilla, sikurse edhe që beson se ky është një gabim teknik dhe si i tillë do të qartësohet më tutje”, njofton AKI.

Tutje në njoftimin e AKI-së thuhet: “Në fletëthirrje precizohet se z. Ramadani urdhërohet të paraqitet si dëshmitar për t’u marrë në pyetja nga Zyra e Prokurorit të Specializuar, në datën e caktuar, dhe në fletëthirrje nga ai është kërkuar që “të ofrojë detaje në lidhje me lokacionin e tij fizik dhe gjeografik gjatë kohës se luftës, dhe të ofrojë dokumentacion përfshirë këtu edhe fotografi dhe të dhëna tjera nga periudha nga 1 janar 1998 deri 31 dhjetor 2000”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat