Aksioni “Gropa”, prokuroria thërret konferencë të jashtëzakonshme

Aktuale

Aksioni “Gropa”, prokuroria thërret konferencë të jashtëzakonshme

Më: 23 maj 2022 Në ora: 14:47
Foto ilustrim

Prokuroria Themelore në Ferizaj ka njoftuar se në aksionin e koduar “Gropa”, kanë arrestuar 10 persona dhe kanë konfiskuar 70 kilogramë drogë, e llojit heroinë.

Personat janë ndaluar nën dyshimin për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Aksioni ka ardhë pas një pune të gjatë hetimore, për të cilin Prokuroria Themelore në Ferizaj, do të mbajë konferencë për media në objektin e Prokurorisë në Ferizaj lidhur me aksionin “Gropa”.

“Pjesëmarrës në këtë konferencë do të jenë: z. Shukri Jashari- Kryeprokuror i Prokurorisë Themelore në Ferizaj dhe z. Reshat Murseli – Drejtori i antidrogës në Policinë e Kosovës”, thuhet në njoftim.

Konferenca do të mbahet sonte në orën 19:00.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat