​Tarifat e rrymës, ZRRE i drejtohet Supremes

Aktuale

​Tarifat e rrymës, ZRRE i drejtohet Supremes

Më: 23 maj 2022 Në ora: 18:25
Foto ilustrim

Bordi i Zyrës së Rregullatorit të Energjisë(ZRRE) ka njoftuar se më 20 maj ka marrë vendim që të zbatojë Aktvendimin e Gjykatës së Apelit, duke shtyrë ekzekutimin e vendimit për tarifat me pakicë të energjisë elektrike.

ZRRE ka thënë se pas pranimit të Vendimit, Furnizuesi i Shërbimit Universal (FSHU) me energji elektrike ka kërkuar udhëzime nga ZRRE lidhur me mënyrën e zbatimit të vendimit të ZRRE-së, i cili ka rrjedh nga Aktvendimi i Gjykatës së Apelit. Kështu të njëjtën e ka kërkuar edhe KOSTT-i.

Rregullatori ka njoftuar po ashtu se i është drejtuar edhe Gjykatës Supreme lidhur me këtë çështje.

“Duke qenë se Aktvendimet nuk përmbajnë sqarime se si të zbatohen ato, duke krijuar paqartësi të mëdha të zbatimit, ZRRE i është drejtuar gjykatave kompetente për udhëzime se si të zbatohet Aktvendimi për Shtyrjen e ekzekutimit të vendimit për tarifat me pakicë të energjisë elektrike. Njëkohësisht, ZRRE i është drejtuar Gjykatës Supreme përmes ushtrimit të mjeteve të jashtëzakonshme juridike”, thuhet në komunikatën e dërguar nga ZRRE.

Më tej thuhet se ZRRE është duke u konsultuar me të gjitha institucionet relevante të Kosovës si dhe palët tjera të interesit, që sa më shpejt të gjejë zgjidhje për mënyrën e implementimit të vendimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat