​Nagavci mori pjesë në Forumin Botëror të Edukimit 2022

Aktuale

​Nagavci mori pjesë në Forumin Botëror të Edukimit 2022

Më: 23 maj 2022 Në ora: 19:31
Ministrja e Arsimit Arbërie Nagavci

Ministrja e Arsimit Arbërie Nagavci ka marrë pjesë në Forumin Botëror të Edukimit 2022 në Londër me temën “Arsimi: Ta ndërtojmë të ardhmen së bashku, më të fortë, më të guximshme dhe më të mirë”.

Në këtë forum, pjesë e të cilit janë edhe ministra të arsimit nga shumë vende të botës dhe ekspertë të arsimit, synohet thellimi i bashkëpunimit në mënyrë që bashkërisht të adresohen çështje dhe sfida dhe me anë të bashkëpunimit të gjenden zgjidhje, ka shkruar Nagavci në Facebook. 

Ajo ka thënë se Qeveria e Kosovës me përkushtim po punon për ngritjen e performancës në arsim dhe se Forumi Botëror i Edukimit është njëra nga mundësitë më të mira për shkëmbimin e përvojave të sistemeve të tjera arsimore. 

Nagavci ka falënderuar Qeverinë britanike dhe ambasadorin në Kosovë, Nicholas Abbot për mbështetjen dhe bashkëpunimin e vazhdueshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat