Abrashi: Gjermania të thotë “mjaft është mjaft” për vizat

Aktuale

Abrashi: Gjermania të thotë “mjaft është mjaft” për vizat

Më: 24 maj 2022 Në ora: 15:19
Artan Abrashi

Deputeti i Lëvizjes Vetëvendosje, Artan Abrashi, ka komentuar raportimet për ardhjen e kancelarit gjerman, Olaf Scholz në Kosovë dhe Serbi, më 10 qershor.

Ligjvënësi i pushtetit ka bërë një analogji me vizitën që dikur ish-presidenti i ShBA-së, George Bush, e kishe zhvilluar në Shqipëri.

Atëkohë, Bush kishte thënë “mjaft është mjaft” duke e vënë theksin se ishte koha e shpalljes së Pavarësisë së Kosovës.

E këtë frazë, deputeti Abrashi po shpreson që ta dëgjojë edhe nga Scholz.

Veçse, këtë tërësi fjalësh sipas Abrashit, duhet ta dëgjojmë në Prishtinë për vizat, kurse në Serbi për njohjen e Pavarësisë së Kosovës.

“Urojmë që me 10 qershor 2022, nga Gjermania në Kosovë ta dëgjojmë frazën ‘Enough is enough’ për vizat, e në Serbi Serbisë ‘enough is enough’ për njohjen e pavarësisë së Kosovës”, shkroi ai në Facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat