Asnjë i kërkuar nga Kosova në Interpol

Aktuale

Asnjë i kërkuar nga Kosova në Interpol

Më: 25 maj 2022 Në ora: 16:07
Interpol

Mund të duket e çuditshme, por megjithatë është e vërtetë. Në Interpol, që është organizata më e madhe policore e bashkëpunimit policor, Kosova nuk e ka asnjë shtetas të saj në këtë listë kërkimi.

Megjithatë, në faqen zyrtare të saj në internet, Policia e Kosovës është duke kërkuar 31 persona, si të dyshuar për kryerjen e veprave të ndryshme penale.

Në gjithë botën, sipas Interpolit, janë kërkohen 7.232 persona, s të dyshuar për krime të rënda, raporton RTKlive.

Mes tyre, 95 nga Bosnja e Hercegovina, 25 janë nga Serbia, 16 nga Shqipëria, 4 nga Mali i Zi, 2 nga Maqedonia e veriut.

E sot, me 25 maj, kur është Dita Ndërkombëtare e Fëmijëve të Humbur. Në këtë organizatë të madhe policore, në mesin e shumë të kërkuarve nga vendet të tjera, përfshirë ato të rajonit, megjithatë figurojnë shumë fëmijë të humbur që kërkohen.

Nga numri i përgjithshëm prej 8.339 persona të shpallur si të humbur nga Interpoli, gjithashtu asnjë nuk figuron nga Kosova, as fëmijë e as të rritur.

Megjithatë, nga Shqipëria, kërkohen si të humbur 142 persona, të gjithë të rritur, 15 nga Bosnje e Hercegovina, të gjithë të rritur, 2 nga Serbia, prej të cilëve është një vajzë 12 vjeç, 24 nga Mali i Zi, të rritur dhe 1 e rritur nga Maqedonia e Veriut.

Personat e kërkuar për krime, vendosen në Interpol nën siglën e kuqe, kurse ata të humbur nën atë me ngjyrë të verdhë.

Aktualisht Kosova nuk është e anëtarësuar në Interpol dhe Europol, por bashkëpunimi i Policisë së Kosovës me këto dy organizata të mëdha të bashkëpunimit policor, bëhet nëpërmjet EULEX-it.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat