​Zbulohen arsyet e dorëheqjes së drejtorit të Onkologjisë

Aktuale

​Zbulohen arsyet e dorëheqjes së drejtorit të Onkologjisë

Më: 27 maj 2022 Në ora: 14:07
Foto ilustrim

Ndonëse vetëm një muaj qëndroi si drejtor në Klinikën e Onkologjisë, Ardian Millaku tashmë e ka paraqitur dorëheqjen e tij në Drejtorinë e Shërbimit Spitalor Klinik Universitar të Kosovës.

Millaku për KosovaPres tha se arsyet e dorëheqjes së tij kanë të bëjnë vetëm me dëshirën për ta vazhduar kontributin e tij si profesionist shëndetësor e jo si menaxher.

Ai tha se të martën e kësaj jave e ka dorëzuar dorëheqjen, por që ende nuk ka marr ndonjë aprovim nga drejtoria e ShSKUK-së.

Millaku: Më e arsyeshme më është dukur të kontribuoj si profesionist shëndetësor

“Unë vetëm e kam paraqitur dorëheqjen, ende nuk ma kanë aprovuar ata… Të martën e kam paraqitur… Duke e parë që është më e arsyeshme me kontribu si profesionist me pacientë dhe mos me u marr më shumë me çështje administrative me humb kohë dhe energji. Nuk munda të përshtatem me pozitën menaxheriale, mu duk më e arsyeshme me u kthy si profesionist. Asnjë arsye tjetër nuk ka pasur, çështje personale familjare gjëra që as presione, as diçka të keqe vetëm personale… Vetëm e kam paraqitur ende nuk e kanë aprovuar” , u shpreh ai.

Në fund të muajit prill onkologu, Millaku bashkë me disa drejtorë tjerë të rinj që ishin përzgjedhur në disa klinika të QKUK-së, kishin nënshkruar kontratën e punës për pozitat menaxheriale.

Para Ardian Millakut Klinikën e Onkologjisë në Qendrën Klinike Universitare të Kosovës e ka udhëhequr onkologu, Iliri Kurtishaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat