Abdixhiku shpreh ngushëllime për vdekjen e Bujar Nishanit

Aktuale

Abdixhiku shpreh ngushëllime për vdekjen e Bujar Nishanit

Më: 28 maj 2022 Në ora: 18:26
Bujar Nishani

Kryetari i LDK-së, Lumir Abdixhiku, ka shprehur ngushëllime për vdekjen e ish-presidentit Bujar Nishani.

Abdixhiku ka thënë se Nishani ka lënë pas vete një trashëgimi të madhe sic ishte dhe angazhimi i tij për çështjen kombëtare.

“Më pikëlloi lajmi për ndarjen e hershme nga jeta të ish-Presidentit të Shqipërisë, Bujar Nishani. Ikja e tij në amshim është lajm i hidhur për Shqipërinë dhe shqiptarët kudo në botë.  Presidenti Nishani ka lënë pas vete një trashëgimi të madhe, siç ishte i madh edhe angazhimi i tij për çështjen kombëtare.

Përkushtimi i tij për paqe, zhvillim e demokraci, e bën Presidentin Nishani njeri të veçantë, personalitet të rrallë, të balancuar me ide e qëndrime si dhe të paharrueshëm në historinë e popullit shqiptar.  Në emrin tim dhe të Lidhjes Demokratike të Kosovës, u shpreh ngushëllime familjes Nishani dhe mbarë popullit shqiptar.  I përjetshëm kujtimi për Presidentin Nishani!”, ka shkruar Abdixhiku.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat