Këshilli Evropian publikon agjendën, liberalizimi i vizave s’është pikë e takimit

Aktuale

Këshilli Evropian publikon agjendën, liberalizimi i vizave s’është pikë e takimit

Më: 21 qershor 2022 Në ora: 11:46
Olaf Scholz dhe Emmanuel Macron

Këshilli Evropian ka bërë publike agjendën e takimit të 23 dhe 24 qershorit.

Në pikat kryesore të publikuara, nuk është tema e liberalizimit të vizave për Kosovën, derisa përmendet çështja e anëtarësimit në BE për Ukrainën, Moldavinë dhe Gjeorgjinë.

Megjithatë gjasat që çështja e liberalizimit të vizave për Kosovën të futet në rend dite për diskutim janë të mëdha, meqë në njërën prej pikave të agjendës që ndërlidhet me çështjet e politikës së jashtme, thuhet se “në dritën e ngjarjeve, Këshilli Evropian mund të trajtojë çështje specifike të politikës së jashtme”.

Image
Një prej pikave të agjendës së mbledhjes së Këshillit Evropian.

Përpara takimit të Këshillit Evropian, presidenti Charls Michel, ua ka dërguar një letër krerëve të Qeverive të shteteve anëtare, në të cilat përmend edhe rajonin e Ballkanit Perëndimor.

Michel ka thënë se Ballkani Perëndimor është i rëndësishëm për BE-në dhe se BE-ja është e rëndësishme për Ballkanin Perëndimor.

“Prandaj ne duhet të ri-energjizojmë procesin e zgjerimit dhe ta çojmë përpara integrimin e partnerëve tanë të Ballkanit Perëndimor. Ne do t’i takojmë ata përpara takimit formal të Këshillit Evropian”, ka thënë Michel në letrën e tij.

Image
Letra e tij
Image
Letra e tij
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat