Spanja befason me qëndrimin e saj, deklarohet pro liberalizimit të vizave për Kosovën

Aktuale

Spanja befason me qëndrimin e saj, deklarohet pro liberalizimit të vizave për Kosovën

Më: 24 qershor 2022 Në ora: 18:33
Pedro Sanchez

Kryeministri i Spanjës, Pedro Sanchez, ka thënë se vendi që ai drejton është i gatshëm të pranojë që Bashkimi Evropian t’i japë Kosovës liberalizimin e vizave.

“Spanja ka një qëndrim konstruktiv dhe ne jemi të hapur për miratimin e kësaj heqjeje vizash për Kosovën”, tha presidenti në një konferencë për shtyp në fund të Këshillit Evropian në Bruksel, të cilës i parapriu të enjten në mëngjes një takim me liderët të Ballkanit Perëndimor, shkruan Infolibre.

Kujtojmë se Spanja është njëra nga pesë vendet anëtare të BE-së që nuk e njohin pavarësinë e Kosovës bashkë me Qipron, Greqinë, Rumaninë dhe Sllovakinë.

Ndërsa, dje Këshilli Evropian ka publikuar konkluzionet e fundit të të Këshillit të BE-s ku liberalizimi i vizave për Kosovën s’ishte në mesin e tyre, por vetëm bëhej thirrje për arritjen e një marrëveshjeje përfundimtare me Serbinë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat