Nënkryetarja e PDK-së, Vlora Çitaku ka deklaruar se nevoja për liri është produkt i vetëdijes, teksa shtoi se ato gra dhe ata burra që kanë veshur uniformën e UÇK-së, kanë qenë të gatshëm për sakrificën më sublime.
Një deklaratë e Çitakut pason pasi u ripublikua në opinionin publik shkrimi i 2016-s së Hekuran Muratit, ministër i Financave, ku thoshte se “më lirë do të na kushtonin mercenarët sesa veteranët e UÇK-së”.
Ajo tha se si duket, për disa, ushtarë të mirë janë vetëm ushtarët e vdekur.
“Merrni pak mësim, nga SHBA për shembull, se si trajtohen veteranët”, shkroi ajo në Facebook.
