Haxhiu: Prokuroria të nisë padi ndaj Hekuran Muratit, Kurti ta shkarkojë, ia përmend Nenin 141 që parasheh burgim deri 5 vjet

Aktuale

Haxhiu: Prokuroria të nisë padi ndaj Hekuran Muratit, Kurti ta shkarkojë, ia përmend Nenin 141 që parasheh burgim deri 5 vjet

Më: 30 qershor 2022 Në ora: 21:47
Bekim Haxhiu dhe Hekuran Murati

Deputeti i Partisë Demokratike të Kosovës, Bekim Haxhiu, thotë se Prokuroria e Kosovës duhet të ngre kallezim penal kundër ministrit Hekuran Murati, për nxitje të urrejtjes dhe linçimit të pjesëtarëve të UÇK-së.

Sipas Haxhiut, deklaratat e ministrit Murati ndaj UÇK-së janë ofendim i rëndë dhe një gjë e tillë nuk duhet të falet.

Në anën tjetër, Haxhiu thotë se kryeministri Kurti duhet menjëherë ta shkarkojë Hekuran Muratin, teksa cek faktin që një person i tillë nuk e meriton me qenë zyrtar i thjesht e lëre më ministër që menaxhon me buxhetin e shtetit.

Postimi i plotë i deputetit:

Prokuroria e Kosovës duhet të ngre kallezim penal kundër ministrit Hekuran Murati, për nxitje të urrejtjes dhe linçimit të pjesëtarëve të UÇK-së.

Albin Kurti duhet menjëherë ta shkarkojë Hekuran Muratin dhe të distancohet nga deklaratat e tij nxitëse të urrjetjes dhe ofenduese ndaj veteranëve të UÇK-së.

Për herë të parë deklaratat e Hekuran Muratit për UÇK-në i kam lexuar sot dhe një ofendim i tillë është i pafalshëm.

Gjuha përçmuese ndaj luftëtarëve që shumë nga ta janë dëshmorë, tregon për urrejtjen e një ministri psikopat të cilit i pengojnë luftëtarët e gjallë të UÇK-së.

Një person i tillë nuk e meriton me qenë zyrtar i thjesht e lëre më ministër që menaxhon me buxhetin e shtetit, themelet e të cilit janë në gjakun e dëshmorëve të UÇK-së.

Prokuroria të nisë padi ndaj Hekuran Muratit:

Kodi Penal i Kosovës
Neni 141

Nxitja e përçarjes dhe mos durimit

1. Kushdo që nxit ose përhap publikisht urrejtje, përçarje dhe mos durim midis grupeve kombëtare, racore, fetare, etnike e të tjera, apo bazuar në orientimin seksual, identitetin gjinor dhe karakteristikat e tjera personale, në mënyrën e cila mund të prishë rendin publik dënohet me gjobë ose me burgim deri në pesë (5) vjet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat