Ministrja e Industrisë dhe Tregtisë, Rozeta Hajdari ka thënë se 95% është duke u zbatuar udhëzimi administrativ për çmimin maksimal të naftës.
Hajdari tregoi se ka pasur edhe dënime për operatorët të cilët nuk e kanë respektuar vendimin e Qeverisë.
Sipas saj, dënimet për operatorët të cilët nuk respektojnë vendimin e Qeverisë për çmimin e natës janë nga dy mijë deri në 6 mijë euro.
“Inspektorët janë në terren, kemi raportet e përditshme që vijnë nga inspektorati i tregut në bashkëpunim me inspektorët nga ATK dhe ata komunal dhe ky udhëzim administrativ është duke u zbatuar 95% në disa raste të përjashtuara ku edhe kanë marrë dënimet. Janë dënimet prej 2000 deri në 6000 euro. Janë dënuar tre operator faktikisht që ka qenë dita e pardjeshme e inspektimit që nuk kanë vendosur çmimet maksimale dhe është shqiptuar gjoba sipas ligjeve në fuqi”, deklaroi Hajdari.
Ajo thotë se e dinë saktë për secilin importues të naftës sesa importon për litër si çmim furnizues.
“Në takimet e afërta me naftarët ata e dinë që ne e marrim edhe furnizimin për secilin naftarë. Ne e dimë saktë për secilin importues të naftës sesa importon për litër si çmim furnizues në hyrje në Kosovë”, theksoi Hajdari.
