Vjosa Osmani i përgjigjet Aleksandër Vuçiqit

Aktuale

Vjosa Osmani i përgjigjet Aleksandër Vuçiqit

Më: 30 qershor 2022 Në ora: 23:31
Vjosa Osmani

Presidentja e Kosovës, Vjosa Osmani, deklaroi se Kosova duhet të ketë kujdes të mos bie pre e gjuhës luftënxitëse të presidentit serb, Aleksandar Vuçiq, e që sipas saj, nuk është gjë e re.

Osmani deklaroi në “Interaktiv” të KTV-së, të enjten, se institucionet e Kosovës duhet të vazhdojnë që të gjitha vendimet t’i marrin në koordinim me miqtë ndërkombëtarë, derisa tha se çdo mundësi për marrëveshje është refuzuar nga pala serbe.

“Çdo hap që e kemi ndërmarrë, ka qenë në koordinim me ndërkombëtarët. Hapat janë bllokuar nga ana e Serbisë. Nga ana e Kosovës, çdo herë do të gjendet një zgjidhje që nuk do të krijojë pengesa. Pala e Kosovës ka treguar konstruktivitet të madh në raport me diskutimet për këtë temë (targat v.j.), dhe në njëfarë mënyre patëm ardhur te një dokument i cili ishte i pranueshëm edhe për Kosovën, edhe për BE-n, por Serbia me qasjen e saj destruktive refuzonte gjithçka që propozohej”, deklaroi Osmani.

Sipas saj, reciprociteti i vendosur të mërkurën nga Qeveria e Kosovës në lidhje me letërnjoftimet ndaj serbëve, është pjesë e mbrojtjes e sovranitetit.

“Ne asnjëherë nuk do të nxisim tensione, gjithmonë do t’i respektojmë të drejtat e qytetarëve tanë pa dallim, por edhe do ta mbrojmë sovraniteti. Nuk ka asnjë vendim që ka dalë befasues për targat. Duhet ta kemi të qartë, pavarësisht a nënshkruan Serbia marrëveshje në Bruksel, strategji e saj është destabiliteti në Kosovë. Jemi me fat që kemi përkrahjen e miqve tanë”, tha presidentja Osmani.

Ajo potencoi ndër të tjera se Serbia, me mospranimin e asnjë marrëveshjeje, ka treguar mentalitetin e saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat