Deklarata për UÇK-në, reagon ministri Murati

Aktuale

Deklarata për UÇK-në, reagon ministri Murati

Më: 1 korrik 2022 Në ora: 17:00
Hekuran Murati

Hekuran Murati ka kërkuar falje për gjuhën e përdorur para gjashtë vjetëve në disa postime të tij, kur ai nuk ishte në Facebook.

Ministri i Financave, Hekuran Murati, është deklaruar pas reagimeve për shkrimet e tij të para disa vjetëve rreth veteranëve.

Ai thotë se ka shkruar nga mllefi për “fryrje të listave” të veteranëve për përfitime financiare. Për gjuhën në ato postime, ministri ka kërkuar falje.

Shkrimi i plotë:

I përulem sakrificës së secilit dëshmor e kontributit të secilit ushtar të luftës së Ushtrisë Çlirimtare të Kosovës.

Ky është qëndrimi im.

Shkrimet e para disa viteve kanë qenë nga mllefi me ata që asokohe me fryrjen e listave për përfitime financiare e politike po shtrembëronin historinë e luftës dhe të vërtetën tonë kolektive. Ju siguroj se ato shkrime nuk kanë pasur synim ofendimin ndaj ushtarëve dhe dëshmorëve.

E pranoj që gjuha e përdorur atëherë ka qenë e gabuar, prandaj ju kërkoj ndjesë të gjithë luftëtarëve të UÇK-së dhe familjeve të tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat