Çelaj: Nëse dënohen krerët e UÇK-së në Hagë, dënohet edhe NATO

Aktuale

Çelaj: Nëse dënohen krerët e UÇK-së në Hagë, dënohet edhe NATO

Më: 1 korrik 2022 Në ora: 19:15
Lirak Çelaj

Veterani Lirak Çelaj vlerëson se nëse dënohen ish-krerët e Ushtrisë Çlirimtare të Kosovës që janë duke u gjykuar në Hagë atëherë do të dëmtohen themelet e Kosovës.

Çelaj, vlerëson se lufta e UÇK-së është themeli i Pavarësisë së Kosovës dhe për këtë nëse ish-krerët e UÇK-së do të dënohen atëherë do të dënohen edhe gjitha shtetet që morën pjesë në bombardimet e NATO-s më 1999.

“Nuk po them që nuk ka individ që nuk ka bërë shkelje ose diçka tjetër, por gjithmonë ka pasur përpjekje në narrativen tonë të sulmohet kolektivisht UÇK-ja dhe kjo ka qenë gabim”.

“Në aspektin e jashtëm Serbia me gjithë aleatët e saj kanë dashur të godasin këtu sepse lufta e Ushtrisë Çlirimtare të Kosovës e solli edhe pavarësinë e Kosovës dhe ata për të dëmtuar pikërisht themelin e pavarësisë së Kosovës e kanë goditur në vazhdimësi UÇK-në dhe të njëjtën gjë po e bëjnë tani me Gjykatën Speciale”.

“Po e marrë shembull, nëse dënohen në Hagë ish-krerët e UÇK-së që janë atje do të dëmtohen themelet e pavarësisë dhe gjithë ajo botë perëndimore që u doli në mbrojtje Kosovës. Nëse dënohet ata janë dënuar edhe Shtetet e Bashkuara të Amerikës, Britania e Madhe, Gjermania, Franca dhe cilido shtet që ka marrë pjesë në bombardime”, tha Çelaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat