Caktohet paneli i Apelit që do të vendosë për 12 viktima në rastin e Thaçit dhe të tjerëve

Aktuale

Caktohet paneli i Apelit që do të vendosë për 12 viktima në rastin e Thaçit dhe të tjerëve

Më: 1 korrik 2022 Në ora: 21:26
Hashim Thaçi

Me zgjerimin e aktakuzës së ish krerëve të UÇK-së, Thaçit, Veselit, Krasniqit e Selimit, u shtuan edhe personat që pretendojnë se janë viktima.

Por, për këta 12 persona, mbrojtja ka dërguar ankesë në Apel.

Tanimë është caktuar përbërja e panelit të Apelit, që do të vendosë nëse këta 12 persona do të vazhdojnë të jenë në listën e viktimave.

Rrjedhimisht, sipas Medina Kadriut nga IKD, vendimi i gjykatësit të procedurës paraprake do t’i nënshtrohet kontrollit gjyqësor nga apeli.

Gjasa të mira se vendimi i shkallës së parë të gjyqësorit do të bie, vlerëson avokati, Skender Musa.

Mbrojtja kundërshton po ashtu edhe anonimitetin e viktimave.

E që këtë anonimitet si të paarsyeshëm e vlerëson edhe avokati Musa.

Sipas aktakuzës së ndryshuar, ish-krerët e UÇK-së, kanë kryer krime edhe në Gjilan, Budakovë e Semetisht.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat