Fontana e ujit në Kuvend, Çitaku thumbon deputeten e VV-së

Aktuale

Fontana e ujit në Kuvend, Çitaku thumbon deputeten e VV-së

Më: 5 korrik 2022 Në ora: 09:37
Vlora Çitaku

Nënkryetarja e PDK-së, Vlora Çitaku, ka ironizuar me deklaratën e deputetes së VV-së, Fitore Pacolli, e cila tha se në Kuvend do të instalohen fontana uji për deputetët.

“Nga një program zgjedhor i cili ishte fontanë dëshirash, përfunduam me propozime për fontanë uji në Kuvend”, ka shkruar Çitaku.

Deputetja e VV-së, Fitore Pacolli ka thënë se do të instalohen disa fontana uji në objektin e kuvendit, ku deputetët mund të pinë ujë edhe me grushte

“Është faza e dytë e projektit që nënkupton instalimin e fontanave të ujit që vjen nga rrjeti publik e në momentin që i kemi ato fontana, atëherë edhe deputetët nuk do të marrin ujë falas siç u ofron kuvendi tani në seanca. Këto do të instalohen brenda objektit të kuvendit, ku kemi nyjet e ujit. Mund të pinë edhe me grushte, do të jenë fontana në të cilat mund të pinë fare pa gota e pa shishe, siç pinë në secilin vend në Bashkimin Evropian”, u shpreh tutje ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat