Osmani e Kurti kthehen nga SHBA, ftojnë konferencë për media

Aktuale

Osmani e Kurti kthehen nga SHBA, ftojnë konferencë për media

Më: 30 korrik 2022 Në ora: 08:45
Vjosa Osmani dhe Albin Kurti

Presidentja Vjosa Osmani si dhe kryeministri Albin Kurti sot do të kthehen në Prishtinë nga Shtetet e Bashkuara të Amerikës dhe më këtë rast do të mbajnë një konferencë për media lidhur me këtë vizitë.

Konferenca do të mbahet në ora 12:30 në ambientet e Aeroportit Ndërkombëtar të Prishtinës “Adem Jashari”.

Presidentja Osmani dhe kryeministri Kurti morën pjesë në ceremoninë e nënshkrimit të marrëveshjes për programin Kompakt me MCC në vlerë prej 236.7 milionë euro e që është e fokusuar në sektorin e energjisë.

Gjithashtu, Osmani dhe Kurti, të shoqëruar edhe nga ministrja e Ekonomisë, Artanë Rizvanolli, kanë zhvilluar disa takime, përfshirë edhe me Sekretarin amerikan të Shtetit, Antony Blinken.

comment Për komente lëvizni më poshtë
Sot mund të lexoni Shfletoni kopertinat