Apeli e liron nga akuzat për korrupsion ish-kryetarin e Malishevës

Aktuale

Apeli e liron nga akuzat për korrupsion ish-kryetarin e Malishevës

Më: 10 gusht 2022 Në ora: 16:45
Ragip Begaj

Ish-kryetari i Komunës së Malishevës, Ragip Begaj, është liruar nga akuza për korrupsion nga Gjykata e Apelit.

Sipas vendimiT që ka siguruar media, Gjykata e Apelit me aktgjykim e ka ndryshuar vendimin e shkallës së parë nga vendimi dënues në atë lirues.

Shkalla e parë e kishte dënuar Begajn me 6 muaj burgim, i cili me pëlqimin e Begajt u zëvendësua me gjobë prej 5 mijë euro.

“Aprovohet si e bazuar ankesa e mbrojtësit të të akuzuarit Ragip Begaj, Av. Emrush Kastrati, dhe aktgjykimi i Gjykatës Themelore në Prishtinë, Departamenti Special i datës 14.04.022 ndryshohet ashtu që i akuzuari lirohet nga akuza” – thuhet në aktgjykim.

Gjykata këtë vendim e mori në seancën që është mbajtur më 28 korrik 2022.

Begaj, sipas prokurorisë në vitin 2018 kishte caktuar një lokacion për ndërtimin e një shkolle në fshatin Prenoc, ku i kishte premtuar të dëmtuarit Rexhep Rudi që të hyjë në marrëveshje për shkëmbimin e tokës me qëllim të ndërtimit të shkollës.

Dosja e prokurorisë thotë se një pjesë e kësaj shkolle ishte planifikuar që të ndërtohet në pronë private, e cila ishte në kundërshtim me vendimet e Komunës së Malishevës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat