​Mehaj nderon Elton Zherkën e Përmet Vulën

Aktuale

​Mehaj nderon Elton Zherkën e Përmet Vulën

Më: 11 gusht 2022 Në ora: 13:46
Ministri i Mbrojtjes Armend Mehaj

Ministri i Mbrojtjes Armend Mehaj ka bërë homazhe dhe ka vendosur buqeta me lule pranë varreve të heronjve Elton Zherka e Përmet Vula në varrezat e dëshmorëve në Gjakovë.

Mehaj në rrjetin social facebook ka shkruar se për lirinë e Kosovës gjurmë të pashlyera kanë lënë rinia e Gjakovës. Ata asesi nuk u pajtuan me shtypjen dhe terrorin që ushtronte regjimi serb, janë ata që barrën për ta çliruar vendin e morën mbi supet e tyre.

Postimi i plotë:

Për të përkujtuar dhe nderuar kontributin për lirinë e atdheut, sot bëmë homazhe në Gjakovë tek varri i Përmet Vulës dhe Elton Zherkës. Në lirinë e Kosovës gjurmë të pashlyera kanë lënë rinia e Gjakovës, janë ata të cilët asesi nuk u pajtuan me shtypjen dhe terrorin që ushtron regjimi serb, janë ata që barrën për ta çliruar vendin e morën mbi supet e tyre. Të tillë ishin Elton Zherka dhe Përmet Vula, të cilët me Bekim Berishën – Abeja, Bedri Shalën dhe Bashkim Lekun, luftuan krahë për krahë, të bashkuar gjithnjë, të pamposhtur e të pathyeshëm, ashtu siç ishte edhe Ushtria Çlirimtare e Kosovës, guerilja më e fortë dhe më e suksesshme që kemi njohur ndonjëherë. Familjarët ende e kanë dhimbjen e freskët, por krenaria me bijtë e tyre është më e madhe se gjithçka tjetër. Krenar më ta nuk janë vetëm familja, por të gjithë ne, i gjithë kombi sepse janë pikërisht ata që i dhanë kahje tjetër rrjedhës së historisë së popullit shqiptar. Ne gjithmonë do të ecim rrugës së idealeve të tyre dhe gjithë dëshmorëve tanë.

Lavdi!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat