Ligjëruesi në Universitetin e Parisit përfshihet në debatin për shaminë, tregon pse s’duhet të lejohet

Aktuale

Ligjëruesi në Universitetin e Parisit përfshihet në debatin për shaminë, tregon pse s’duhet të lejohet

Nga: A.ZH Më: 11 gusht 2022 Në ora: 22:50
Nezir Kraki

Profesori dhe ligjëruesi në Universitetin e Parisit Nezir Kraki, është përfshirë në debatin për shaminë.

Ai e ka quajtur dhunë direkte mbi të drejtën e vajzave të mitura për të qenë fëmijë, vendosjen e shamisë në kokën e saj, përcjell Bota sot.

Sipas tij, e ardhmja si dritare nuk duhet të mbulohet.

Reagimi i tij i plotë në Facebook:

Shamia mbi kokën e një vajze nën 18 vjeçe, është thjeshtë dhunë direkte mbi të drejtën e asaj vajze për të qenë fëmijë. Është perde e zezë mbi dritaren, nga e cila ndërrohet dhe imagjinohet e ardhmja. Ajo dritare nuk duhet të mbulohet.

Fëmijët kanë nevojë për edukim e shkollim pa asnjë ngarkesë metafizike dhe çdo pretendim se një fëmijë është i pavarur në vendimet që merr, është utopik dhe i pabazë.

Shteti e shoqëria e kanë detyrim që, para çdo lirie tjetër, personave nën moshën 18 vjeç, tua garantojnë të drejtën për të qenë fëmijë sikurse e kanë detyrim t’u kërkojnë prindërve që ajo e drejtë të mos cenohet.

P.s. Shikojeni videon për më shumë sqarim e na kurseni nga komentet jashtë kontekstit strikt të këtij reagimi. Liria e fëmijëve me qenë fëmijë para se me qenë besimtarë, kjo është tema.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat