​Merren vendimet e para nga Gjykata Komerciale

Aktuale

​Merren vendimet e para nga Gjykata Komerciale

Më: 29 gusht 2022 Në ora: 13:54
Foto ilustrim

Gjykata Komerciale e Kosovës, më 25 dhe 26 gusht ka vendosur për 60 lëndë në Dhomat e Shkallës së Parë dhe Dhomat e Shkallës së Dytë.

Dhomat e Shkallës së Parë të Gjykatës Komerciale kanë marr vendime në 30 çështje, po ashtu edhe Dhomat e Shkallës së Dytë të kësaj gjykate, kanë vendosur në 30 lëndë, që kanë të bëjnë kryesisht me çështje përmbarimore të natyrës urgjente.

Seanca e parë e caktuar në Dhomat e Shkallës së Parë – Departamenti për Çështje Administrative të Gjykatës Komerciale, mbahet më 9 shtator 2022 me fillim nga ora 09:30.

Të gjitha seancat gjyqësore në Gjykatën Komerciale janë të hapura për publikun, përveç rasteve, në të cilat me ligj përcaktohet ndryshe.

Gjykata Komerciale deri më tani ka pranuar mbi 8 mijë lëndë, përkatësisht në Dhomat e Shkallës së Parë janë pranuar 6.754 lëndë, ndërsa në Dhomat e Shkallës së Dytë 1.342 lëndë.

Të gjitha lëndët janë regjistruar në regjistrat manual të gjykatës, ndërsa janë në proces të regjistrimit edhe në Sistemin për Menaxhimin Elektronik të Lëndëve - SMIL. 

comment Për komente lëvizni më poshtë
Sot mund të lexoni Shfletoni kopertinat