Gjonbalaj: 173 mjekë kanë ikur nga Kosova

Aktuale

Gjonbalaj: 173 mjekë kanë ikur nga Kosova

Më: 29 shtator 2022 Në ora: 19:55
Ilustrim

Nënkryetari i Odës së Mjekëve të Kosovës, Naser Gjonbalaj, bëri të ditur se deri më tani, 173 mjekë kanë ikur nga Kosova.

“I bie 70.06 % e atyre që kanë diplomuar dhe janë pajisur me licencë në Odën e Mjekëve”, tha ai.

Gjonbalaj theksoi se çështja kryesore e ikjes së mjekëve është ajo e pagave.

I pyetur se a i zgjidh të gjitha problemet në shëndetësi rritje e pagave, Gjonbalaj tha se “Nuk i zgjidh të gjitha problemet, por i afron mundësitë”, tha ai.

Gjonbalaj, thotë se largimi i mjekëve nga Kosova është trend në rritje.

Ai thotë se është shumë shqetësuese ika e mjekëve dhe mungesa në mënyrë të vazhdueshme. Sipas Gjonbalajt, nëse ka mungesë të profesionistëve do të zgjatet lista e pritjes.

“Megjithatë me këtë listën e pritjes është bërë një sagë, edhe pse listë të pritjes ka në të gjitha vendet e botës në shëndetësi. Duhet potencuar se në aspektin e emergjencave nuk ka listë të pritjes. Pra ka kapacitete të mjaftueshme për rastet emergjente”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat