Protestat studentore/ Kurti: Më 1 tetor studentët shqiptar rikthyen dinjitetin

Aktuale

Protestat studentore/ Kurti: Më 1 tetor studentët shqiptar rikthyen dinjitetin

Nga: A.SH Më: 1 tetor 2022 Në ora: 13:06
Albin Kurti me pjesëmarrësit në protestën studentore 1997

Kryeministri i Kosovës, Albin Kurti, ka rikujtuar protestat studentore të 1 tetorit në vitin 1997.

Ai ka thënë se në këtë përvjetor kujtojmë ish rektor i Universitetit të Prishtinës, Profesor Ejup Statovcin.

Sipas tij, studentët shqiptar më 1 tetor rikthyen dinjitetin

Postimi në Facebook:

Në 25 vjetorin e protestës studentore paqësore të 1 tetorit 1997, me filmin dokumentar mbrëmë dhe me homazhe sot, kujtuam Profesor Ejup Statovcin, ish rektor i Universitetit të Prishtinës, akademik i qëndresës, i cili na priu për ndryshime demokratike e kombëtare.

Studentët nuk ishin vetëm, sepse e kishin një figurë të jashtëzakonshme si Profesori Ejup. Ai i cili dekadat e jetës së tij, ia dedikoi Universitetit, Kosovës, popullit dhe mbarë kombit shqiptar.

Më 1 tetor studentët shqiptar rikthyen dinjitetin. Nga heshtja e ndër padrejtësi, u ngritën me madhështinë e vullnetit për të jetuar të lirë. Një lëvizje studentore që përshpejtoi përpjekjen drejt çlirimit të vendit.

Ne, marshuam paqësisht, për lirimin e hapësirave të ndaluara të kampusit universitar, drejt rrugës për arsim e edukim të lirë, të drejta të patjetërsueshme, liri e pavarësi.

I kujtojmë e nderojmë përherë profesorët e studentët e protestës së 1 tetorit, atyre që patën guxim, që sfiduan okupimin serb dhe e bënë rezistencën aktive.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat